Аб цэнтры

Дзейнасць дзяржаўнай установы "Івацэвіцкі тэрытарыяльны цэнтр сацыяльнага абслугоўвання насельніцтва" (далей - Установа) накіравана на арганізацыю сацыяльнага абслугоўвання грамадзян Рэспублікі Беларусь, замежных грамадзян, асоб без грамадзянства, якія пражываюць (знаходзяцца) у Рэспубліцы Беларусь, якім аказваюцца сацыяльныя паслугі (далей - грамадзяне), якія знаходзяцца ў цяжкай жыццёвай сітуацыі, у формах тэрміновага сацыяльнага абслугоўвання, сацыяльнага абслугоўвання дома і ў замяшчальнай сям'і, а таксама садзейнічанне актывізацыі ўласных намаганняў грамадзян па папярэджанні, пераадоленні цяжкай жыццёвай сітуацыі і (або) адаптацыі да яе, ажыццяўленне функцый па апецы і папячыцельстве ў адносінах да паўналетніх асоб, якія прызнаны недзеяздольнымі або абмежавана дзеяздольнымі.

Структурнымі падраздзяленнямі Установы з'яўляюцца:

аддзяленне першаснага прыёму, аналізу, інфармавання і прагназавання;

аддзяленне сацыяльнай дапамогі дома;

аддзяленне комплекснай падтрымкі ў крызіснай сітуацыі;

аддзяленне сацыяльнай рэабілітацыі, абілітацыі інвалідаў;

аддзяленне дзённага знаходжання для грамадзян пажылога ўзросту;

філіялы Установы ў г. Косава і г.п. Целяханы.

Асноўнымі задачамі і напрамкамі дзейнасці Установы з'яўляюцца:

дыферэнцыраваны (па катэгорыях) улік грамадзян, якія знаходзяцца ў цяжкай жыццёвай сітуацыі, вызначэнне неабходных ім форм сацыяльнага абслугоўвання, відаў сацыяльных паслуг;

правядзенне абследаванняў матэрыяльна-бытавых умоў пражывання грамадзян (сямей) (планавыя абследаванні асобных катэгорый сацыяльна неабароненых катэгорый грамадзян (сямей));

задавальненне патрэбнасцей грамадзян, якія знаходзяцца ў цяжкай жыццёвай сітуацыі, у сацыяльных паслугах, уключаных у пералік бясплатных і агульнадаступных сацыяльных паслуг дзяржаўных устаноў сацыяльнага абслугоўвання з нормамі і нарматывамі забяспечанасці грамадзян гэтымі паслугамі, зацверджаны пастановай Савета Міністраў Рэспублікі Беларусь ад 27 снежня 2012 г. № 1218;

ажыццяўленне функцый па апецы і папячыцельстве ў адносінах да паўналетніх асоб, якія прызнаны недзеяздольнымі або абмежавана дзеяздольнымі, у адпаведнасці з Палажэннем аб органах апекі і папячыцельства, зацверджаным пастановай Савета Міністраў Рэспублікі Беларусь ад 28 кастрычніка 1999 г. № 1676;

прадастаўленне грамадзянам, якія знаходзяцца ў цяжкай жыццёвай сітуацыі, іншых сацыяльных паслуг, якія ўводзяцца па рашэнню заснавальніка;

удзел у размеркаванні бязвыплатнай (спонсарскай) дапамогі ў натуральнай форме, замежнай бязвыплатнай дапамогі, а таксама дапамогі (ахвяраванняў), атрыманай ад фізічных асоб, якая паступае ва Установу;

правядзенне інфармацыйна-асветнай работы па актуальных пытаннях сацыяльнага абслугоўвання на тэрыторыі раёна, апекі і папячыцельства ў адносінах да паўналетніх асоб, якія прызнаны недзеяздольнымі або абмежавана дзеяздольнымі;

падрыхтоўка, правядзенне або ўдзел у культурна-масавых і фізкультурна-аздараўленчых мерапрыемствах, святах, конкурсах, выставах;

фарміраванне і забеспячэнне дзейнасці гурткоў, клубаў па інтарэсах і іншыя.

Установа мае права ажыццяўляць іншыя функцыі ў адпаведнасці з заканадаўствам.